Eva Solla denuncia a falta de previsión da Xunta de Galicia ante os colapsos nas urxencias

14/12/2017

. “En Vigo é vergoñento ter un Hospital como o Mexoeiro, medio baleiro, cunha planta desocupada, cando os pacientes seguen a acumularse nas Urxencias. No caso da Coruña, temos unha planta enteira no Abente e Lago e unha planta completa no Materno que non estar a ser utilizadas”, expón a tamén vicepresidenta do Parlamento de Galicia.

Compostela, 14 de decembro de 2017. A coordinadora nacional de Esquerda Unida vén de denunciar que “a planificación da Consellería de Sanidade brilla pola súa ausencia ante a vaga de gripe, previsible nesta época do ano e que está a colapsar as urxencias do noso país”. Segundo explica Eva Solla, “se ben a Xunta traslada cada ano que é normal que se colapsen as urxencias polo incremento de enfermidades de carácter respiratorio, doutra banda, non se fixo ningún tipo de planificación á hora de impedir a situación que estamos a vivir: pacientes esperando por camas nos corredores das urxencias”.

Tal e como explica Eva Solla, Compostela, Ferrol ou outras áreas sanitarias pasan por unha situación complexa, aínda que non é comparable co que está a acontecer en lugares como A Coruña ou Vigo. “En Vigo é vergoñento ter un Hospital como o Mexoeiro, medio baleiro, cunha planta desocupada, cando os pacientes seguen a acumularse nas Urxencias. No caso da Coruña, temos unha planta enteira no Abente e Lago e unha planta completa no Materno que non estar a ser utilizadas”, expón a tamén vicepresidenta do Parlamento de Galicia.

“As traballadoras e os traballadores que visitamos recentemente nos trasladan que a situación de sobresaturación do servizo de urxencias é máis habitual do que se coñece e que, en ocasións, hai camas nos corredores das Urxencias, algo que é totalmente incomprensible cando a Xunta de Galicia fixo unha reforma do servizo das urxencias na que defendeu que —con dita reforma—, estes problemas ían a ser solucionados”, sinala Solla.

Para que non se chegue a estas situacións de colapso, Esquerda Unida demanda un incremento de persoal sanitario público para traballar nos propios servizos de urxencias. Neste senso, Eva Solla lembra que “o persoal de urxencia e o persoal de hospitalización é insuficiente, o que fai que, aínda por riba, se incrementen as dificultades para trasladar os ingresos que se derivan destas urxencias”.

“A redución drástica e dramática de persoal de atención primaria fai que moitas máis persoas recorran á atención de urxencias hospitalarias ante casos de enfermidades respiratorias, o que é contraproducente, xa que axuda a colapsar estes servizos”, temina Solla.

Añadir nuevo comentario

Comentarios

Plain text

  • No se permiten etiquetas HTML.
  • Las direcciones de las páginas web y las de correo se convierten en enlaces automáticamente.
  • Saltos automáticos de líneas y de párrafos.
Al enviar este formulario, usted acepta la política de privacidad de Mollom .