En Marea apoia a folga estudiantil convocada para o día 19

16/04/2018

Propón o incremento das bolsas, habilitar bonos transporte e introducir medidas que fomenten a igualdade no ensino. 

En Marea respalda o paro estudiantil que o estudantado galego ten convocado para o xoves, 19 de abril. A formación entende que as reivindicacións propostas para conseguir un ensino superior laico, feminista e para todas e todos son básicas e deben ser tidas en conta; e chama á participación da comunidade universitaria nas mobilizacións. 
 
As reclamacións postas enriba da mesa polo estudantado céntranse, fundamentalmente, arredor de dous eixos: o feminista e o democrático. No relativo ao primeiro, trátase de conseguir a aplicación de protocolos contra as violencias machistas nas universidades; incrementar a seguridade nos campus; e acadar a paridade nas direccións dos centros. Así como de introducir unha materia de xénero en todas as titulación; e de incorporar a mirada de xénero de xeito efectivo e transversal a cada unha das materias.
 
Tamén secunda En Marea as petición do estudantado en relación ao incremento das bolsas. A formación ve básico incrementar a súa contía; pero amén adaptar o protocolo de concesión á realidade da propiedade en Galicia, "de éxito que cousas como ter un alpendre ou unha leira non afecten á posibilidades de ter unha bolsa", tal e como explica a deputada Luca Chao.
 
En Marea tamén pon enrica da mesa a necessidade de habilitar bonos transporte. Actualmente "non se ten en conta o custo enorme que ten para os estudantes universitarios moverse dun sitio a outro de Galicia". Por iso a formación aposta por seguir un modelo de presos reducidos que xa existe noutras partes do estado, como Euskadi.  
 
"Non queremos que sigan desmantelando o ensino público. Por iso o xoves estaremos na rúa, e chamamos a todo o colectivo universitario a secundar estas mobilizacións", remata Chao.

Añadir nuevo comentario

Comentarios

Plain text

  • No se permiten etiquetas HTML.
  • Las direcciones de las páginas web y las de correo se convierten en enlaces automáticamente.
  • Saltos automáticos de líneas y de párrafos.
Al enviar este formulario, usted acepta la política de privacidad de Mollom .