Galicia

O BNG presentará unha proposición non de lei para que a Xunta solucione a posición de dominio das grandes empresas editoras e distribuidoras

Como veñen facendo dende fai meses, nesta ocasión cunha concentración diante do Marco, as persoas que traballan nos quioscos denunciaron o abuso monopolístico das empresas editoras e distribuidoras de prensa e revistas, que levan á morte da actividade dos quioscos: unhos cen quioscos pecharon ao non poder vivir da súa actividade.
 

Eva Solla, elixida como nova coordinadora de Esquerda Unida na XII Asemblea Nacional

Esquerda Unida celebrou esta tarde en Compostela a súa XII Asemblea Nacional, que rematou coa elección de Eva Solla como nova coordinadora nacional de Esquerda Unida, sucedendo no cargo a Yolanda Díaz. Co lema “A Forza das Ideas”, neste acto participaron 250 delegadas/os e 50 convidadas/os, así como diferentes movementos e organizacións sociais. Esta asemblea estivo presidida por unha mesa composta só por mulleres, na confianza que Esquerda Unida ten no papel da muller á hora de conquistar espazos e construír futuro e como mostra de rexeitamento da violencia machista. 

Temas: 

Esquerda Unida esixe a recuperación do 112 como servizo público e reitera o seu apoio á folga indefinida do persoal

Respecto ao novo sistema de xestión de chamadas da plataforma do 112, o persoal denunciou, nada máis comezar a usalo, problemas graves tales como que se quedaba colgada na entrada das chamadas, o que condiciona a seguridade do servizo para a cidadanía.

Esquerda Unida solicita na Audiencia Provincial a nulidade do sobresemento da causa do carrexo de votos, xa que considera vergoñento que altos cargos do PP saian impunes

Esquerda Unida presentou ante a sección segunda da Audiencia Provincial de Lugo a solicitude de nulidade do auto de pasado 11 de abril no que se sobresía a causa e arquivaban as actuacións referentes á investigación dun delito electoral presuntamente cometido por altos cargos do Partido Popular lugués, ao carrexar votos de persoas anciás e impedidas residentes no asilo Hogar de San Roque.

Yolanda Díaz e Javier Galán debaten en Ferrol sobre o futuro dos estaleiros, que pasa por implantar as novas tecnoloxías ao proceso de produción

Yolanda Díaz, manifestou que “o reto é levar as novas tecnoloxías á cadea de produción. Isto vai esixir un cambio de modelo para todo o persoal, o que supón pular pola recuperación do emprego perdido e definir un proceso de reindustralización”. “Neste momento temos que ter capacidade loxística e ir cara adiante, adaptándonos aos novos procesos. A robotización vai supor que aumentemos a produtividade e esta nova revolución industrial vai pasar por contar con xente nova”, sinalou.

Concentración en Vigo contra a violencia de xénero

No manifesto, lido pola xornalista Maika Aguado, agradeuse o apoio das persoas que están cas mulleres nun acto de valentía fronte a "unha sociedade cada vez máis fiscalizadora dos nosos pensamentos". Continuou afirmando que "a acción das institucións nunca será suficiente sen a responsabilidade e a implicación de todas e todos nós" posto que a lacra da violencia afecta "non só as mulleres de calquera estrato social senón tamén ás súas fillas e fillos e en definitiva á sociedade no seu conxunto".
 

Páginas