Galicia

Luís Villares: “Esta Marea é un país erguéndose para conquistar o seu futuro”

“A outros gústalles moito a uniformidade, eles son uniformes e impoñen o silencio, dentro e fóra. O poder sen control é o que lles gustaría a eles. Nós nacemos para rachar con este tempo de silencio, amargo, como describira Martín Santos. Nós temos a forza da razón, a forza da ilusión, a forza do compromiso” sinalou Luís Villares.

AGE insta á reapertura a pleno rendemento do Hospital do Meixoeiro

A deputada de AGE e número 3 da candidatura de En Marea pola provincia de Pontevedra, Eva Solla, acompañou en sinal de apoio ás súas reivindicacións, aos integrantes de SOS Hospital do Meixoeiro na entrega dun total de 50.000 sinaturas coas que se insta ao Goberno da Xunta de Galicia a restaurar os servizos do hospital para que funcione ao 100 por cen despois de ser minguado tras a apertura do hospital Álvaro Cunqueiro de Vigo.

En Marea celebra unha xornada de traballo en Santiago de Compostela

Durante as últimas semanas lembrou Villares visitou moitos lugares do noso país para explicar quen era, que pensaba e que sentía pero sobre todo a escoitar, a aprender, pero tamén encherse de ilusión, de sorrisos, de miradas que comparten os mesmos desexos. “Hoxe estades aquí como dignas representantes de toda esa xente, hoxe nós temos a responsabilidade de non fallar aos que confían neste proxecto, hoxe nós representamos a fundada esperanza da xente do común. Non están detrás nosa, están ao noso lado” afirmou o candidato á presidencia.

Temas: 

Compromiso por Galicia presenta a súa candidatura á Presidencia da Xunta

Para Xoán Bascuas “a actual situación de desemprego de Galicia é totalmente evitable”. Pero faise necesario máis autogoberno:“As decisións de Galicia, en Galicia. Sempre.O centro de decisións está moi lonxe, en Madrid, e así nunca se pode atender ás necesidades dos cidadáns, que non queren ser subsidiarios, queren traballar, que lles deixen traballar, que lles quiten os atrancos, e para iso estamos aquí nós, para facer política de cerca”.

En Marea presenta a súa candidatura na Coruña como alternativa ao PP de Alberto Núñez Feijóo

O escapismo de Feijóo como explicou Luís Villares vai máis alá xa que “a Feijóo escápanselle tamén os cartos”. Así disparou a débeda pública galega a límites vergoñentos, se lle escaparon os aforros das galega e galegos despois de ter investido cartos públicos nas bancas galegas. “Nós non escapamos, afrontamos os problemas con responsabilidade é compromiso, queremos dar exemplo” afirmou Luís Villares.

Temas: 

En Marea comprométese co rescate dos servizos públicos esenciais fronte as privatizacións impostas por Feijóo para agochar a súa falla de capacidade xestora

En Marea reclamou o rescate para á cidadanía dos servizos públicos de carácter esencial e de xeito especial da Sanidade pública acabando coas privatizacións de Núñez Feijóo que “con tanta intensidade están a padecer en Vigo e provincia de Pontevedra”. “Feijóo non sabía xestionar e por iso tivo que privatizar por non saber, pero nós temos homes e mulleres competentes, rebeldes competentes capaces de facelo e facelo ben.

Temas: 

Páginas