Antón Sánchez

Antón Sánchez califica de "modelo de expolio" o plantexamento do sector eólico promovido polo Partido Popular de Galicia

Deste xeito, nun sector cunha facturación que supera os 600 millóns de euros, máis do 85% do capital investido é estranxeiro, de mans das grandes eléctricas, bancos e fondos voitre.

"En cambio para o noso país só quedan as migallas" -denuncia Sánchez-, pois o único que busca o Goberno galego do PP coa chamada "Lei de Depredación" é "acelerar o espolio da riqueza de Galicia aínda que sexa a costa do impacto paisaxístico e ambiental".

Antón Sánchez: "O Goberno do PP aposta únicamente polo espolio coa nova lei de fomento empresarial"

Según indica, na nova norma que pretende impoñer o Partido Popular "introdúcense cambios transcendentais en sectores coma o mineiro, o eólico e o forestal", actividades que a nivel galego "producen e exportan materias primas baratas e deixan fortes impactos no país".

Antón Sánchez critica o completo fracaso da Xunta de Galicia en materia de xestión de residuos

Sánchez fixo este anuncio en Lousame (A Coruña) logo dunha xuntanza coa Plataforma contra o vertedoiro de residuos industriais, proxecto que prevende desenvolverse sobre unha superficie de 20 hectáreas de solo rústico de protección forestal e que ten previsto que ata o 81% do refugallo sexa enterrado sen ningún tipo de tratamento previo, o que podería afectar a varios acuíferos para uso humano e gandeiro.

Antón Sánchez: “Non se pode consentir que máis do 50% dos despedimentos de EXTEL a nivel estatal sexan en Galicia”

“Estamos apoiando ao sector dos teleoperadores, o que mellor simboliza o modelo de precariedade, de recorte dos dereitos laborais e de represión sobre os traballadores que se mobilizan defendendo os seus dereitos”, denunciou o deputado electo de En Marea Antón Sánchez, que engadiu que “non se pode consentir que máis da metade dos despedimentos de EXTEL sexan en Galicia”, pois o 58% das baixas que a empresa plantexa para o conxunto do Estado son do plantel da Coruña.

Antón Sánchez critica o escándalo das "compensacións" da Xunta aos afectados polos lumes do mes de agosto

Sánchez alerta ademáis de que as axudas prometidas "nin sequera son seguras" e que "están supeditadas ao que decida a UE", polo que a medida electoralista do candidato popular convirte o proceso electoral "nun bazar chinés" no que Alberto Núñez Feijóo "cree que pode tapar con cartos que non ten a a toda presa, sen xeito nin garantías, para uns sí e para outros non, a falta de políticas de dúas lexislaturas" pensando "que pode borrar a memoria da xente". Sen embargo, "as galegas e galegos teñen memoria e non se venden por promesas baleiras".

Antón Sánchez denuncia a “nefasta xestión” dos fondos europeos por parte do Goberno de Alberto Núñez Feijóo

O informe do Consello de Contas a respecto da execución dos fondos europeos deixa ver, a dicir do viceportavoz de Alternativa Galega de Esquerda Antón Sánchez, “a nefasta xestión” dos Gobernos de Alberto Núñez Feijóo. Se as axudas comunitarias marcaban como obxectivo que a converxencia de Galiza coa media europea pasase do 89% -en 2009- ao 95%, o certo é que baixou e atópase no 80%. “As cifras reflicten a deficiente xestión do PP”, insistiu Sánchez, nunha comparecencia de prensa esta mañá no Parlamento galego.

AGE insta ao Parlamento galego a posicionarse contra o TTIP

Sanchez denunciou na presentación o 13 de xullo dunha Proposición Non de Lei (PNL) para rexeitar o acordo que unha das consecuencias do TTIP sería "a perda de soberanía dos diferentes parlamentos europeos" e "unha maior subordinación respecto dos lobbies e as empresas privadas". Sen embargo -engadiu o deputado "o que precisa esta Europa é máis democracia e máis soberanía" e por iso, "opoñerse ao TTIP é defender á democracia". 
 

O Goberno en funcións do PP permite a autorización de Reganosa pasando por riba da lexislación vixente

Según denuncia AGE nun comunicado, o Presidente do Goberno en funcións colabora coas grandes empresas para que esquiven a lexislación vixente. “Con celeridade e eficacia que non amosa para outras cuestións, o Executivo do PP publica hoxe a autorización admninistrativa e a aprobación do proxecto de execución de Reganosa, en Mugardos”, denuncia o viceportavoz de AGE. 
 

Alternativa Galega de Esquerda denuncia que os tratados de libre comercio coma o CETA son prexudiciais para os intereses galegos

Para Sánchez, que compareceu en rolda de prensa na sede parlamentaria de AGE xunto con Lidia Senra, o CETA é a última mostra "da opacidade, ausencia de debate e de información á cidadanía" coa que se conducen as institucións comunitarias, cun "baleirado antidemocrático da soberanía dos pobos e dos Estados", sendo un dos principales eixos da política neoliberal que se está a desenvolver dende a UE.

O Deputado Antón Sánchez acusa ao Presidente da Xunta de "abuso de poder" contra os médicos da sanidade pública que denunciaron recortes

AGE denuncia que "a escasa catadura moral de Alberto Núñez Feijóo quedou unha vez máis de manifesto "nos seus ataques contra o sistema sanitario público galego.  “Vostede ataca a traballadores públicos desde a súa posición poderosa, abusa da súa posición de poder para ameazar a médicos que cumprían co seu labor ético profesional e mesmo legal. Faino coa actitude propia dun matón”, expuxo o deputado Antón Sánchez na sesión de control ao presidente no pleno do Parlamento galego.
 

Páginas

Suscribirse a Antón Sánchez