Esquerda Unida

Esquerda Unida esixe a equiparación no prezo do billete Avant Ourense-A Coruña a media distancia

Compostela, 13 de novembro de 2018. Os medios de transporte públicos deben garantir a cohesión social e territorial; ou esta debera ser a premisa da administración pública á hora de establecer prioridades. Pola contra, tal e como sinala a coordinadora nacional de Esquerda Unida, Eva Solla, “Galicia adoece desta cohesión que, lonxe de expandirse, estase a reducir cada vez máis, priorizando a comunicación só entre grandes núcleos”.

Esquerda Unida súmase e chama a participar na mobilización deste sábado 10 de novembro pola devolución do Pazo de Meirás

Eva Solla, coordinadora nacional de Esquerda Unida e deputada de En Marea, acudirá á marcha e concentración.

Esquerda Unida, unha das organizacións convocantes, súmase e fai un chamamento á participación na quinta marcha que organiza a Comisión pola Recuperación da Memoria Histórica da Coruña (CRMH) coa fin de reclamar o pazo de Meirás para o dominio público e na defensa da Memoria histórica e democrática do noso país e contra a impunidade franquista.

Esquerda Unida reúnese coa Comisión Europa e denuncia a desidia da Xunta ante a contaminación por lindano no Porriño

Bruxelas, 8 de novembro de 2018. Eva Solla, coordinadora nacional de Esquerda Unida e deputada de En Marea, Pedro Ocampo, concelleiro de EU Son Porriño, xunto a europedutado Javier Couso, estiveron reunidos esta mañá con Humberto Delgado Rosa, representante da Dirección Xeral de Medio Ambiente da Comisión Europea, en Bruxelas, coa fin de trasladar a problemática da contaminación por lindano.

Eva Solla presenta o Encontro Programático Municipalista de Esquerda Unida que se celebrará este sábado en Compostela

Eva Solla, coordinadora de Esquerda Unida, vén de presentar esta mañá en rolda de prensa o Encontro Programático Municipalista de Esquerda Unida, que terá lugar este vindeiro sábado 20 de outubro no marco dos comicios municipais e que celébrase para dar resposta aos problemas da cidadanía, marcados pola precariedade laboral e a cronicidade da pobreza nunha Galicia que segue a retroceder en dereitos laborais grazas ás políticas de desemprego de Núñez Feijóo.

Esquerda Unida apoia a folga dos Puntos de Atención Continuada contra a precariedade que sufre o persoal sanitario

Tal e como explica a coordinadora nacional de Esquerda Unida, Eva Solla, “o persoal dos PAC leva moito tempo denunciando as condicións de precariedade nas que se ven obrigadas a desenvolver o seu traballo. As carencias de persoal estruturais das urxencias de atención primaria fai que moitos centros permanezan cun só equipo de traballo (profesional medicina/profesional enfermaría) que ten que encargarse de atender consultas, domicilios e saídas nas ambulancias do 061”. É precisamente esa realidade do día a día o que fai que, en ocasións, os centros estean desprovistos de profesionais.

Esquerda Unida considera que o discurso triunfalista de Feijóo dista moito da realidade que vive Galicia

Compostela, 9 de outubro de 2018. A intervención de Alberto Núñez Feijóo no Debate sobre o Estado da Nación que esta mañá tivo lugar no Parlamento galego deixa ver un Partido Popular absolutamente illado da realidade galega e que deixa fóra do debate os problemas serios das galegas e galegos que na súa maioría viven con salarios de miseria que non permiten afrontar o pagamento das hipotecas ou ter unha vida digna fronte as políticas de recortes e constantes privatizacións ás que nos ten acostumadas o Goberno do PP.

Esquerda Unida esixe que se exclúa da Feria viguesa de Conxemar á empresa marroquí que saquea os recursos saharauís

Esquerda Unida únese ás demandas da Delegación Saharauí en Galicia e Sogaps e esixe aos organizadores e patrocinadores da Feira de Produtos Conxelados de Vigo Conxemar que impida a participación da empresa Atlas Pelagic, con sede na cidade saharauí de Dajla, en dito evento xa que, tal e como explican no comunicado, a empresa se dedica ao saqueo dos recursos naturais do Sáhara Occidental, o que significa “unha violación das sentencias do Tribunal de Xustiza Europeo, que ten expresado a consideración de que o Sáhara Occidental non é un territorio suxeito á soberanía de Marrocos”.

Esquerda Unida reitera a súa defensa dun aborto libre, sen dor e gratuíto na sanidade pública

Compostela, 28 de setembro de 2018. A área da Muller de Esquerda Unida reitera, neste 28 de setembro, Día pola Despenalización e Legalización de Aborto, a defensa dun aborto libre, sen dor, coa atención axeitada e gratuíto na sanidade pública galega e lembra que no noso país aínda temos moitas deficiencias neste aspecto, o que deixa ver a constante violencia contra a saúde das mulleres que vimos de denunciar en reiteradas ocasións.

Esquerda Unida denuncia irregularidades e opacidade na adquisición de fármacos por parte do SERGAS

Segundo desprende o último Informe do Consello de Contas, o gasto farmacéutico da Xunta vai aumentando de maneira paulatina nestes anos (do 30% en 2014 ao 36% en 2016), con opacidade e incumprimento os procedementos establecidos na Lei de Contratos Públicos. Dende Esquerda Unida mostrámonos moi preocupadas ante o incremento do consumo de fármacos neste contexto de irregularidades denunciadas polo propio Consello de Contas.

30 de Agosto: Día Internacional das Vítimas de Desaparicións forzadas

Esquerda Unida súmase, neste 30 de agosto de 2018, ao Día Internacional das vítimas de desaparicións forzadas, data de necesaria reivindicación e lembranza activa dos milleiros de persoas e familias vítimas dunha situación de extrema gravidade como é a desaparición forzada de persoas que, lamentablemente en moitos casos, conta co beneplácito dos gobernos de turno.

Páginas

Suscribirse a Esquerda Unida