Eva Solla

Eva Solla, Vanessa Angustia e Yolanda Díaz participan mañá domingo na “Asemblea de Zaragoza” para buscar unha saída dialogada á situación de Catalunya

Este domingo 24 de setembro, a partir das 9 horas da mañá, Zaragoza acollerá a “Asemblea pola fraternidade, convivencia e liberdades”, un espazo de encontro entre diferentes forzas políticas para buscar unha solución política dialogada e democrática ante a situación de “excepción” que se está a vivir en Catalunya.

Na xuntanza participarán Eva Solla, coordinadora de Esquerda Unida e  vicepresidenta do Parlamento de Galicia, Vanessa Angustia, senadora de En Marea e Yolanda Díaz, voceira de En Marea no Congreso.

Eva Solla: “A teima da Consellería de Política Social de non escoitar á veciñanza de Rianxo non é comprensible”

Para Esquerda Unida, os centros de día deben ser lugares de proximidade que se convirte nun dereito da cidadanía. Segundo dicía Solla, este centro é “unha xusta petición veciñal que o Goberno galego continúa a rexeitar e que resulta difícilmente comprensible a negativa a escoitar, por parte da Xunta de Galicia, á veciñanza”, que tras unha importante recollida de sinaturas e unhas mobilizacións con forte apoio continúan na actualidade sen ser escoitada.
 

Eva Solla denuncia recentes casos de apoloxía do réxime franquista en Galicia e anuncia a presentación dunha denuncia na Fiscalía

Eva Solla, coordinadora de Esquerda Unida e vicepresidenta do Parlamento, denunciou esta mañá en rolda de prensa as  recentes “mostras vergoñentas” de apoloxía do réxime franquista en Galicia, así como “a conivencia das diferentes administracións cunhas situacións que, corenta anos despois, responden ao enaltecemento dun réxime asasino sen que as administracións nin institucións fagan absolutamente nada”.

Esquerda Unida valora positivamente que o xuíz desestime o sobresemento da causa polo accidente do Alvia

Ante a nova que vimos de coñecer, baseada en que a Audiencia confirma a imputación do ex-director de Seguridade de Adif polo accidente de Angrois, Eva Solla, coordinadora nacional de Esquerda Unida e vicepresidenta da Mesa do Parlamento de Galicia, valora “positivamente” que “se teña desestimado o sobresemento da causa na que está imputado o señor Cortabitarte polo descarrilamento do tren Alvia ocorrido no 2013 en Santiago de Compostela”.

Eva Solla, elixida como nova coordinadora de Esquerda Unida na XII Asemblea Nacional

Esquerda Unida celebrou esta tarde en Compostela a súa XII Asemblea Nacional, que rematou coa elección de Eva Solla como nova coordinadora nacional de Esquerda Unida, sucedendo no cargo a Yolanda Díaz. Co lema “A Forza das Ideas”, neste acto participaron 250 delegadas/os e 50 convidadas/os, así como diferentes movementos e organizacións sociais. Esta asemblea estivo presidida por unha mesa composta só por mulleres, na confianza que Esquerda Unida ten no papel da muller á hora de conquistar espazos e construír futuro e como mostra de rexeitamento da violencia machista. 

Temas: 

Eva Solla debateu en Compostela sobre os retos a futuro da sanidade en Galicia

O acto foi organizado polo grupo editor da revista Gaceta Médica, e contou coa presenza das principais forzas políticas que concorren ás eleccións galegas do vindeiro 25 de setembro, así como cunha representación dos partidos que competirán nos comicios en Euskadi, que se celebrarán na mesma data.

Luís Villares: “Feijóo dinamitou a sanidade pública galega causando moitísimo sufrimento á xente”

Tras o encontro Luís Villares asegurou que “Feijóo é a dinamita da sanidade pública galega” xa que “destruíu completamente o sistema sanitario público causando moitísimo sufrimento á xente, que deixou de recibir tratamentos ao que tiña dereito, que padece listas de espera”. “Desde En Marea queremos transmitir a garantía do dereito á saúde e o dereito ao acceso universal ao servizo.

AGE acusa ao Presidente da Xunta de falta de escrúpulos e preguntaralle no pleno polas súas descalificacións á sanidade pública galega

Alternativa Galega de Esquerda levará ao pleno parlamentario da vindeira semana "as indecentes declaracións" de Alberto Núñez Feijóo ao respecto dos médicos do sistema sanitario público galego, aos que acusou de verter "insidias" e "calumnias" no que respecta aos doentes de hepatite C mortos por carecer do tratamento axeitado no Sergas.

Suscribirse a Eva Solla