Esquerda Unida apoia e participará na difusión convocada pola Plataforma Consulta Popular Estatal e que se realizará mañá sábado 13 en todo o Estado
Desde Esquerda Unida considérase que tras máis de 40 anos de aprobación da constitución española, é tempo de que a cidadanía poida decidir libre e democraticamente o modelo de estado.
![Esquerda Unida apoia e participará na difusión convocada pola Plataforma Consulta Popular Estatal e que se realizará mañá sábado 13 en todo o Estado](https://www.tercerainformacion.es/wp-content/uploads/2022/05/FSg_JpbX0AIoBDJ-950x0-c-default.jpg)
Por tanto a dirección nacional de Esquerda Unida apoia e comparte os obxectivos da Plataforma Consulta Popular Estatal que é a de dar a palabra á cidadanía e considera que o lema da convocatoria “Ti decides” axústase ás demandas da cidadanía de decidir e escoller a forma de estado.
Esquerda Unida ademais congratúlase da proliferación de puntos de votación tanto no Estado español como especialmente en Galicia e participará activamente xunto outras forzas políticas e culturais para dar a maior difusión posible a esta consulta popular.