Compromiso por Galicia integra as propostas do comité galego de UNICEF no seu programa
Xoán Bascuas, candidato da formación galegista á Presidencia da Xunta, e Laura Cereijo,número tres pola provincia da Coruña, reuníronse o xoves en Santiago con Marta Andrade, responsable de sensibilización da sección galega da organización internacional.
CxG asume as liñas propostas por UNICEF, entre as que están que a infancia sexa unha prioridade nos orzamentos do Goberno galego. Así, Compromiso, integrará nas súas proposta a creación do Observatorio Galego de Infancia e a comisión parlamentaria de estudos sobre a infancia, así como a elaboración dunha Estratexia Galega de Infancia e Adolescencia para o período 2016-2020.
CxG conta nas súas propostas cun especial apoio á infancia: educación universal de cero a tres anos; garantir que todos os nenos e nenas teñan material escolar; que o sistema sanitario poña unha especial atención neste grupo de idade. Actualmente, CxG desenvolve en Lalín programas específicos orientados á infancia e á adolescencia.
Relacionado
