Ante os incendios dos últimos días Feijóo nega a maior

Comunicado

Levamos días de intensa calor que deixan tras de si centos de incendios forestais e máis de 900 hectáreas de monte queimadas, como os últimos incendios que afectaron o Parque Natural de Corrubedo e lagoas de Carregal e Vixán por mor da falla de prevención da Consellería de Medio Rural e da propia Presidencia da Xunta de Galicia.

Feijóo nega a maior botándolle a culpas ás altas temperaturas e ao vento. Vai ser culpa do cambio climático, estratexia que por certo ten esquecida a Conselleira de Medio Ambiente en algún caixón da consellería porque seguramente prexudique a algún dos seus amigos industriais.

Independentemente da orixe dos lumes, a realidade é que a Xunta de Feijóo leva anos traballando para empresas afíns ao sector forestal coas que contrata os servizos de extinción de incendios forestais ao mesmo tempo que desmantela o servizo público de extinción de incendios.

Feijóo, o amante do rural, para respectalo leva meses retrasando a posta en funcionamento do operativo contraincendios.

Polo visto “prevención” non é unha palabra que Feijóo coñeza, xa que prefire “corrixir”. Será polos negocios privados que hai tras os incendios forestais?

A falta de prevención é un motivo máis que sumar a moitos outros como o intento de colar ao sector do mar a lei de acuicultura ou as xa comentadas adxudicacións a empresas privadas do servizo “público” de extinción de incendios forestais.

A falta de prevención é un incumprimento do dereito constitucional de todas a gozar dun medio ambiente san; é un incumprimento dos principios de “precaución”, é o mesmo que “prevención”, motivos máis que suficientes para exixir a dimisión da conselleira de medio rural e a do propio Feijóo.

Nós, pola contra, sabemos que o Patrimonio Natural de Galicia non ten prezo pero si un valor incalculable xa que é fonte de vida para as xentes do rural de Galicia, polo que dende Podemos Galicia apostamos firmemente pola prevención dos incendios, con axentes forestais e medioambientais vixiando o monte todo o ano e planificando a prevención como centro da política forestal para mellorar Galicia.