Esquerda Unida súmase á mobilización da Plataforma das Vítimas do Alvia a prol de esixir xustiza e verdade no accidente de Angrois

Eva Solla, coordinadora nacional de Esquerda Unida e vicepresidenta da Mesa do Parlamento de Galicia, Vanessa Angustia, senadora de En Marea e membro da dirección de Esquerda Unida e Xabier Ron, membro de executiva de Esquerda Unida participarán este luns 24 de xullo na mobilización que sairá ás 11h. da estación de tren de Compostela ata chegar á praza do Obradoiro, co fin de reivindicar xustiza e verdade polos 80 falecidos e 144 feridos no cuarto aniversario do accidente do Alvia.

Esquerda Unida súmase á concentración de Sogaps para esixir a liberdade dos presos políticos saharauís

Raquel Bernárdez e Vanessa Angustia, membros da dirección de Esquerda Unida,  participan este domingo 23 de xullo na concentración na praza do Obradoiro, ás 12 horas, co fin de esixir a liberdade dos presos políticos saharauís. Do mesmo xeito, expresamos a nosa solidariedade e o noso apoio ao pobo saharauí na súa heroica loita fronte ao opresor Marrocos, ocupante do Sáhara Occidental.