A CIG disposta a manter unha mobilización constante en MERCADONA para defender os dereitos e a dignidade das traballadoras/es
Continúa a campaña de mobilizacións da CIG en MERCADONA na Provincia de A Coruña.
![A CIG disposta a manter unha mobilización constante en MERCADONA para defender os dereitos e a dignidade das traballadoras/es](https://www.tercerainformacion.es/wp-content/uploads/2021/07/FB_IMG_1624958554856-950x0-c-default.jpg)
Nestes días estamos a recibir mensaxes de apoio e tamén testemuñas de traballadores e extraballadores de Mercadona de todo o Estado español que atestemuñan que o que pasa na Provincia de A Coruña non é unha excepción. A diferenza é que en A Coruña está a CIG defendendo os dereitos e os intereses das traballadoras e traballadores, mentres no resto do Estado atópanse orfos de sindicato como tal (á salvedade de con ELA, Osta…e contadas excepcións máis) , atópanse nin máis nin menos que vendidos.
Como mostra un convenio asinado en Valencia por CCOO e UGT feito “a medida” dos intereses desta Empresa, cunha redacción que deixa aos traballadores prácticamente indefensos, e con puntos que atentan tan chamativamente contra:
— a conciliación familiar (unha quimera en Mercadona)
— o dereito básico a enfermar (prohibición non escrirta de caer enfermo en Mercadona: non temos realmente complementado o salario en situación de baixa por I.T. pois o retiran como, cando e a quen lles vén en gana)
— chantaxes económicos salientables en canto á mal chamada prima de beneficios que non é tal, pois funciona como o «pao e a cenoura» e que baséase nun examen ou valoración dxs traballadorxs tan subxectiva como inxusta, e que na práctica serve como ferramenta de castigo a aqueles traballadores que se atreven a esixir os seus dereitos laborais.
— ou medidas medievais non escritas, como obrigar a tapar tatuaxes con vendas ou tiritas con a escusa de manter unha boa imaxe, cando a sociedade xa fai moito que os ten normalizado e a imaxe que dán os traballadores con vendas nos brazos ou tiritas no pescozo ao noso entender e bastante peor que calquera tatuaxe.
![](https://www.tercerainformacion.es/wp-content/uploads/2021/07/FB_IMG_1624958515307.jpg)
Dende a Sección Sindical da CIG vémonos na obriga de dar resposta na rúa para denunciar a política de medo e represión que padecemos as/os traballadoras/es en Mercadona.
Baixo o lema de que «TEÑEN QUE MORRER OS ABUSOS DE PODER», dende a CIG poñemos branco sobre negro á realidade do que supón traballar en Mercadona, analoxía veraz co “síndrome da rá férvida”.
Preocúpanos ver como os traballadores e traballadoras terminan normalizando comportamentos e actitudes dos/da seus/súas superiores xerárquicos que van máis alá dunha relación laboral, e ós cominan a graves afeccións da súa saúde fisica e incluso mental.
Preocúpanos unha carga de traballo que é excesiva, pero tamén a presión a nivel psicolóxico que co tempo deriva en consecuencias moitas veces até irreparables, sobre a saúde das compañeiras e compañeiros.
Alzamos nosa protesta nesta campaña de mobilizacións insistindo en que a fama de Mercadona como empresa modélica, e “de exemplo a seguir por outras empresas”, é algo sustentado só sobre o papel, porque na práctica é máis ben exemplo do que non debería ser unha empresa. É papel mollado, ao servizo únicamente do capital do patrón.
Poñemos sobre a mesa a realidade dunha empresa con beneficios millonarios que non debería precisar levar aos seus traballadores ó límite, pero que na práctica o fai como sistema (porque obviamente lle é rentable), buscando crear un clima de medo e indefensión no que XA NON PODEMOS MÁIS!! É INSOPORTABLE!!!
«Parece mentira que en pleno século XXI nos teñamos que mobilizar para esixir respecto e dignidade, pero así é. Vendemos a nosa forza se traballo, nin a nosa dignidade, nin a nosa saúde fisica e mental, nin as nosas vidas están en venta. Iso é algo que Mercadona non entende», subliña André Abeledo, delegado da CIG no comité provincial da Coruña.
Neste senso, explica que o persoal está sometido a presións continuadas e a uns ritmos de traballo estresantes para cumprir cos tempos que lles marcan, «imposíbeis de cumprir pola enorme carga de traballo». Isto fai que o persoal estea sometido a unha elevada tensión que ao final acaba derivando en problemas para a súa saúde.
A isto hai que engadir ademais os compartamentos irrespectuosos por parte de determinados mandos «que son humana e laboralmente intolerábeis, pero que Mercadona obvia, consinte e encubre». Un posición patronal que contratasta coa imaxe de empresa modélica que Mercadona vende nos medios de comunicación, malia que a realidade laboral é ben distinta.
![](https://www.tercerainformacion.es/wp-content/uploads/2021/07/FB_IMG_1624958485447.jpg)