Esquerda Unida urxe á Xunta de Galicia a declarar o nivel 2 de emerxencia por contaminación mariña
Ante a catástrofe medioambiental causada polo vertedura de plásticos nas costas galegas Esquerda Unida reclama da Xunta de Galicia a declaración do nivel 2 de Emerxencia pola contaminación mariña para permitir a utilización dos medios dispoñibles por parte do Goberno Central.
Esquerda Unida entende que o prioritario nestes momentos é a descontaminación das costas galegas e denuncia que a dilación na adopción de medidas por parte da Xunta terá como consecuencia que o plástico se estenda e o problema se agrave.
Resulta incompresible que tras as nefastas experiencias vividas nas nosas costas cos vertedura de hidrocarburos, a Xunta volva a permanecer impasible cunha situación como esta e volva a trasladar información sesgada e falsa sobre o impacto da contaminación e a da súa toxicidade.
É vergoñento, o señor Rueda debe comparecer no parlamento e dar conta do acontecido e das medidas que (non) está a tomar a Xunta de Galicia ao respecto deste verquido de #Pellets pic.twitter.com/pOM0aqAuGf
— Esquerda Unida? (@EsquerdaUnida) January 8, 2024
Esquerda Unida rexeita tamén que se descargue nos Concellos a responsabilidade da limpeza e que a Xunta de Galicia non actúe mentres unha vez máis teñen que ser persoas voluntarias as que limpan as praias galegas.
En palabras de Eva Solla, coordinadora nacional de Esquerda Unida: “A Xunta está volvendo a repetir as mesmas actuacións que na traxedia do Prestige. Rexeitan a axuda do Goberno Central só por confrontación política e sen embargo non teñen capacidade de facer fronte a esta crise. A proba está en que eluden a súa responsabilidade e lla cargan aos concellos, que en moitos casos non teñen medios suficientes. É irresponsable e amosa unha gran incapacidade.”
Esquerda Unida agradece ás asociacións ecoloxistas e aos centos de persoas voluntarias o seu traballo na limpeza das costas.
Relacionado
