La Tienda Republicana

Eva Solla urxe ao Goberno a implantar o servizo de psicoloxía na atención primaria

28/11/2019

 “Contamos cun profesional de psicoloxía por cada 100.000 habitantes, algo moi inferior á media do Estado e moi inferior ao recomendado pola Organización Mundial da Saúde”, sinala Eva Solla.   

Compostela, 28 de novembro de 2019. Eva Solla, deputada e vicepresidenta do Parlamento de Galicia, destacou esta mañá na Comisión de Sanidade a necesidade histórica de rematar coa carencia de psicólogas e psicólogos clínicos no Sergas e pediu explicacións ao director xeral de Asistencia Sanitaria do Sergas, Jorge Aboal, de como este servizo tan necesario non está implantado na atención primaria.

“Hoxe levamos unha cuestión moi importante: a situación da saúde mental no noso país. Nós xa solicitamos partidas específicas nos orzamentos para un Plan de Saúde Mental que nunca chega á nosa comunidade. A situación da psicoloxía no noso país é sangrante, xa que contamos cun profesional de psicoloxía por cada 100.000 habitantes, algo moi inferior á media do Estado e moi inferior tamén ao recomendado pola Organización Mundial da Saúde”, explica Solla.

“Dende este Grupo Parlamentario temos recomendado que se incrementen as unidades de atención, que se homoxeneicen os criterios e que se cren servizos específicos e propios para estas doenzas”, apunta Solla. A deputada lembra que “en Galicia temos un grado moi elevado de ansiedade crónica, que roza o 13%, e de depresión, do 12%. Tamén temos unha taxa moi alta de suicido. Por todo isto, unhas 225.000 persoas toman antidepresivos en Galicia, unha cifra elevadísima”.

Con estas cifras, Solla pregunta sobre que valoración fai o Goberno de que “só houbera tres prazas para psicólogos/as clínicos nos últimos dez anos, cal é o motivo de que non se implante este servizo na atención primaria, porque non se conta con servizos propios e cando ten pensado o Goberno levar a cabo as históricas demandas da psicoloxía clínica no Sergas”.

Dende Esquerda Unida denunciamos a vergoñenta situación da atención psicolóxica en Galicia e vemos necesario incorporar o servizo de psicoloxía clínica na atención primaria, tal e como se está comezando a levar a cabo en outras comunicades como Asturias ou Aragón.

“Unha de cada tres consultas ten que ver coa ansiedade e a depresión e, nesta situación, é preciso implantar este servizo na atención primaria. Agora temos unha espera de nove meses na atención psicolóxica que se suple con fármacos, algo que non se pode facer”, remata Solla.

Añadir nuevo comentario

Comentarios

Plain text

  • No se permiten etiquetas HTML.
  • Las direcciones de las páginas web y las de correo se convierten en enlaces automáticamente.
  • Saltos automáticos de líneas y de párrafos.
CAPTCHA
Esta pregunta es para comprobar si usted es un visitante humano y prevenir envíos de spam automatizado.

Comentarios

Can you help me translate