Ao virus machista, vacina feminista! A área de muller de Esquerda Unida presenta os actos que llevará a cabo no marco do 25N
Esquerda Unida participará nas mobilizacións convocadas para este 25N cumprindo con todas as medidas sanitarias establecidas ante as situación derivada da Covid 19 en Galicia.
No marco do 25 de novembro, Día Internacional da Eliminación das Violencias cara as Mulleres, Esquerda Unida dá a coñecer a actividade prevista para o luns 30 de novembro e o xoves 3 de decembro. Serán dúas charlas telemáticas nas que se abordará a situación das mulleres dentro dun contexto marcado pola pandemia, onde a situación de confinamento e outras medidas adoptadas para afrontar esta crise sanitaria, intensificaron o risco de violencia de xénero.
As charlas telemáticas poderán seguirse a través das redes sociais de Esquerda Unida:
– Luns 30 de novembro ás 19,30: “Violencia machista no confinamento. Estratexias de futuro”.
– Xoves 3 de decembro ás 19,30: “Violencia económica, impacto económico da Covid na vida das mulleres”.
Relacionado
