Eva Solla: “Coas casas de apostas revivimos un problema equiparable ás drogas no anos 80”
Compostela, 02 de xullo de 2019. Eva Solla, deputada e vicepresidenta do Parlamento de Galicia, levou esta mañá á Comisión de Sanidade unha serie de preguntas respecto ao “insuficiente” anteproxecto de Lei Reguladora dos Xogos e Apostas de Galicia impulsado polo Goberno galego que, segundo valorou, “é unha cortina de fume, unha fraude que non satisfai as demandas sociais e que semella ir parella á actitude da Xunta de permitir a expansión do xogo, coñecendo o problema tan serio que isto significa”, apunta.
