A Xunta de Galicia recibe a Israel en pleno XENOCIDIO en Palestina

Entre a indignación, o noxo e a vergoña vexo como a Xunta de Galicia recibe ao embaixador en funcións de Israel en medio do xenocidio en Gaza.

Non se pode caer máis baixo en canto a humanidade e empatía se refire, é imposible facer algo máis noxento en medio dun XENOCIDIO que recibir ao xenocida, e iso ten feito o Goberno do Partido Popular na Galiza.

Como explicación a este despropósito a Consellería de Presidencia, da que depende a Dirección Xeral de Relacións Exteriores, aseguran que a Xunta “ limitouse a atender ao encargado de negocios dunha embaixada” nunha reunión “de carácter ordinario”. ¿Que carácter ordinario pode ter co que está acontecendo en Gaza nestes momentos cualquera reunión co goberno sionista de Israel?, o presidente de Israel Benjamín Netanyahu ten sido condeado polo tribunal internacional por crímes de lesa humanidade.

Despois de recibir ao representante do goberno xenocida de Israel dende a Xunta de Galicia do xeito máis covarde e despreciable din que a posición sobre conflictos internacionais ou calqueira materia de política exterior corresponde ao Goberno de España, o PP non ten unha posición sobre o xenocidio do pobo Palestino, pero o apoian cos seus feitos e as súas declaracións negando que en Palestina Israel comete un xenocidio e Netanyahu é un criminal.

A ultradereita española, VOX e o Partido Popular non teñen ningún problema en lamber as botas manchadas de sangue de inocentes a Netanyahu e tamén a Donald Trump, son moi patriotas, pero da sua carteira e non teñen o menor problema en arrastrarse do xeito máis indigno ante os poderosos namentres dan as costas as víctimas.

Non so dan as costas aos miles de nenos asasinados en Palestina, as decenas de miles de inocentes masacrados, e o aviso da ONU de que 14000 nenos corren o perigo de morrer por fame e enfermidades porque Israel non permite a entrada de axuda humanitaria.

A ultradereita da as costas a tódalas víctimas, as da DANA en Valencia, mantendo a Mazón grazas ao apoio de VOX como presidente indecente, ou mirando para outro lado para non ver aos anciáns abandonados a sua sorte para morrer na soledade nas residencias de ancians de Madrid, por causa da aplicación do protocolo euxenésico da vergoña de Ayuso e o PP de Madrid.

PPVOX abrazan ao SIONISMO xenocida, aos asasinos, son cómplices por acción e omisión dun novo Holocausto, non ten cambiado, o franquismo non pasou por eles, quedouse dentro.