Galiza é unha nazón excedentaria en enerxía «limpa». Xa basta de tratar a Galiza como unha colonia a quen depredar.

A evidente intención de convertir a Galiza nun xigantesco parque eólico non se xustifica con cubrir as súas necesidades, tampouco cun proxecto de futuro para o pobo galego.

Os mega proxectos eolicos xustifican a súa existencia pola decisión política de convertir a Galiza nunha productora de enerxía para cubrir as necesidades da metrópole e das multinacionais.

Galiza xa cumpriu sobradamente, máis da conta, con a súa contribución a xeración deste tipo de enerxía «barata».

A decisión de hipotecar o noso futuro, de vender o noso presente, de arruinar o noso rural, o noso ecosistema, as nosas paisaxes, é unha decisión tomada sen ter en conta os intereses do pobo galego.

Galiza esta a ser condenada a convertirse nun inmenso parque eólico, nun deserto demográfico. É sentenza de morte para o rural galego.

No se aposta por recuperar o rural, nin por afincar poboación nas nosas parroquias, nin pola soberanía alimentaria através do noso agro e a nosa gandería, tampouco por preservar as nosas paisaxes e fomentar un turismo de calidade.

Non apostan por Galiza, apostan unha vez máis pola depredación da Galiza.

Queren facer da Galiza o patio traseiro dos mega proxectos eolicos.

Galiza esta a ser tratada como unha colonia onde todo está ó servizo da metrópole, ó servizo das multinacionais do Estado español e tamén de Europa.

Con a escusa da enerxía verde van deixar sen futuro a nosa terra, ós nosos fillos, a nosa xente.

O chaman progreso pero é depredación dos nosos recursos, da nosa paisaxe, do noso ecosistema, e tamén a sentenza de morte para o noso rural.

Onde están os patriotas que dicían que defenderian ós nosos dereitos e os nosos intereses en Madri?, non os vexo defendendo o noso dereito a ter un futuro na nosa terra.

Onde está a unidade de loita contra os mega proxectos eolicos que ameazan todo o que somos e o que queremos ser?.

Vexo a xente defender cada un a súa leiriña sen entender que a leira que temos que defender é de todos e chámase Galiza.

A lei de «depredación» da Galiza posta en marcha polo PP na Xunta de Galicia vai a toda máquina e pon ó servizo das multinacionais todo, sen importar nada.

Agora é o goberno central quen tenta levar adiante a depredación da Galiza, unha terra castigada nas mans de lobos con pel de ovella.